ചെന്നൈ: തമിഴ്നാട്ടിലെ ടി.വി.കെ സർക്കാരിന്റെ ആദ്യ ബജറ്റ് ധനമന്ത്രി മരിയ വിൽസൺ ബുധനാഴ്ച രാവിലെ 10 മണിക്ക് നിയമസഭയിൽ അവതരിപ്പിക്കും. ഗൃഹനാഥമാർക്കുള്ള സാമ്പത്തിക സഹായം 1000 രൂപയിൽ നിന്ന് 2500 രൂപയായി ഉയർത്തുക, സൗജന്യ ബസ് യാത്ര, സ്ത്രീ സംരംഭങ്ങൾക്കുള്ള വായ്പ പരിധി വർധിപ്പിക്കുക തുടങ്ങിയ പ്രധാന തിരഞ്ഞെടുപ്പ് വാഗ്ദാനങ്ങളും വരുമാന വർധനവിനായുള്ള പദ്ധതികളും ബജറ്റിൽ ഉൾപ്പെടുമെന്നാണ് പ്രതീക്ഷിക്കുന്നത്.
സംസ്ഥാന ചരിത്രത്തിലാദ്യമായി വ്യാഴാഴ്ച പ്രത്യേക കാർഷിക ബജറ്റും അവതരിപ്പിക്കും. അതേസമയം, കാവേരി പ്രശ്നവും ഉദയനിധി സ്റ്റാലിന്റെ അറസ്റ്റും മുൻനിർത്തി സഭയിൽ പ്രതിഷേധമുയർത്താനാണ് പ്രതിപക്ഷത്തിന്റെ നീക്കം.