ഇന്നലെ രാത്രി പത്തരയോടെ ബിഎസ്എഫ് ആസ്ഥാനത്തിന് മുന്നിൽ നിർത്തിയിട്ടിരുന്ന സ്കൂട്ടർ തീപിടിച്ച് പൊട്ടിത്തെറിച്ചു. സംഭവത്തിൽ ഡെലിവറി ബോയ് ആയ 22-കാരനെ പോലീസ് കസ്റ്റഡിയിലെടുത്തു. ഭക്ഷണം നൽകാനായി എത്തിയ യുവാവിന്റെ സ്കൂട്ടർ പെട്ടെന്ന് തീപിടിച്ച് വലിയ ശബ്ദത്തോടെ പൊട്ടിത്തെറിക്കുകയായിരുന്നു.
കൂടുതൽ വിവരങ്ങൾക്കായി പോലീസ് അന്വേഷണം നടത്തിവരികയാണ്.
അമൃത്സറിൽ രാത്രി 11 മണിയോടെ ഉണ്ടായ സ്ഫോടനം അതീവ ഗൗരവകരമാണെന്ന് അധികൃതർ വ്യക്തമാക്കി. ബൈക്കിലെത്തിയ ആൾ ഗ്രനേഡ് എറിഞ്ഞതാണെന്ന് സംശയിക്കുന്ന സാഹചര്യത്തിൽ ബിഎസ്എഫും കേന്ദ്ര ഏജൻസികളും ഫോറൻസിക് സംഘവും സ്ഥലത്ത് വിശദമായ പരിശോധന നടത്തി.
ഏപ്രിൽ 27-ന് പട്യാലയിൽ റെയിൽവേ ട്രാക്കിലും സ്ഫോടനശ്രമം നടന്നതിനാൽ സംഭവത്തിന് പിന്നിലെ ഗൂഢാലോചനയെക്കുറിച്ച് അന്വേഷണം ഊർജിതമാക്കിയിട്ടുണ്ട്.