തിരുവനന്തപുരം: സംസ്ഥാനത്തെ വികസന പദ്ധതികളുടെ കാലതാമസം പൂർണമായും ഒഴിവാക്കാനും ഖജനാവിനുണ്ടാകുന്ന സാമ്പത്തിക നഷ്ടം നികത്താനുമായി പൊതുമരാമത്ത് വകുപ്പിന് കീഴിൽ അഞ്ച് സുപ്രധാന പരിഷ്കാരങ്ങൾ പ്രഖ്യാപിച്ച് സർക്കാർ. തിരുവനന്തപുരത്ത് വിളിച്ചുചേർത്ത വാർത്താ സമ്മേളനത്തിൽ മുഖ്യമന്ത്രി വി.ഡി. സതീശനാണ് സുപ്രധാന തീരുമാനങ്ങൾ അറിയിച്ചത്.പ്രധാന 5 പരിഷ്കാരങ്ങൾ
- അസറ്റ് മാനേജ്മെന്റ് ഡിജിറ്റൽ പ്ലാറ്റ്ഫോം: പൊതുമരാമത്ത് വകുപ്പിന്റെ കീഴിലുള്ള മുഴുവൻ ആസ്തികളും ഡിജിറ്റലായി ഘടനാപരമായി ഏകോപിപ്പിക്കുന്ന പുതിയ പ്ലാറ്റ്ഫോം നിലവിൽ വരും.
- പ്ലാൻ സ്പേസ് 2.0: പദ്ധതികളുടെ പുരോഗതി തത്സമയം നിരീക്ഷിക്കുന്നതിനും തടസ്സങ്ങൾ വേഗത്തിൽ പരിഹരിക്കുന്നതിനുമായി അത്യാധുനിക സാങ്കേതികവിദ്യയിലധിഷ്ഠിതമായ ‘പ്ലാൻ സ്പേസ് 2.0’ നടപ്പിലാക്കും.
- സർക്കാർ സ്ഥാപനങ്ങളുടെ അസറ്റ് രജിസ്റ്റർ: സംസ്ഥാനത്തെ മുഴുവൻ സർക്കാർ സ്ഥാപനങ്ങളുടെയും ഭൗതിക ആസ്തികൾ കൃത്യമായി രേഖപ്പെടുത്തുന്ന സമഗ്ര അസറ്റ് രജിസ്റ്റർ തയാറാക്കും.
- 591 സ്ഥാപനങ്ങളിൽ സമഗ്ര പരിശോധന: സംസ്ഥാനത്തെ 591 ഭരണനിർവഹണ സ്ഥാപനങ്ങളുടെ പ്രവർത്തനക്ഷമതയും ആസ്തി വിനിയോഗവും സംബന്ധിച്ച് സമഗ്രമായ പരിശോധന നടപ്പിലാക്കും.
- സ്ഥാപനങ്ങളുടെ ഏകീകരണവും നിയമഭേദഗതിയും: ഒരേ സ്വഭാവമുള്ള ഭരണഘടനാ/ഭരണനിർവഹണ സ്ഥാപനങ്ങളെ സംയോജിപ്പിച്ച് പ്രവർത്തനശേഷി കൂട്ടുകയും, കാലഹരണപ്പെട്ട നിയമങ്ങൾ ഭേദഗതി ചെയ്യുകയും ചെയ്യും.
— വി.ഡി. സതീശൻ (മുഖ്യമന്ത്രി)
“പദ്ധതികൾ നിർദിഷ്ട സമയത്തിനുള്ളിൽ പൂർത്തിയാക്കുന്നതിലൂടെ നിർമാണച്ചെലവ് ക്രമാതീതമായി ഉയരുന്നത് തടയാനും ജനങ്ങൾക്ക് വേഗത്തിൽ പദ്ധതികളുടെ പ്രയോജനം എത്തിക്കാനും സാധിക്കും.”